Sot shënohet 25 vjetori i masakrës së Studenicës së Istogut. Ndërsa bëri homazhe, kryeministri Albin Kurti bëri thirrje për drejtësi.
“25 vjet janë një kohë e cila nuk na e shlyen neve kujtesën, përkundrazi na e ngre zërin edhe më shumë për drejtësi. Para 25 vjetësh këtu janë vrarë 4 nëna dhe 4 të mitura dhe kryeplaku i fshatit. Ata pas kësaj vrasjeje mizore i kanë hedhur kufomat në pus. Kriminelëve nga Serbia u është dukur që edhe trupat e vdekur të shqiptarëve po rrojnë. Preokupimi i tyre kryesor nuk ka qenë vrasja, por çfarë të bëjnë me trupat. Diku i kanë zhvarrosur për t’i çuar në varrezat masive në Serbi, disa i kanë djegur dhe disa i kanë hedhur në pus”, tha Kurti.
Edhe kryetari i Aleancës për Adhmërinë e Kosovës, Ramush Haradinaj, ka kujtuar masakrën e 13 prillit të vitit 1999. Nëpërmjet një statusi në rrjete sociale ish-kryeministri tha se kujtimi i martirëve dhe sakrifica e tyre është motiv për të kultivuar dhe mbrojtur vlerat për të cilat ata dhanë jetën. /vizionplus.tv
