25 të vdekur nga koronavirusi në Greqi, mes viktimave edhe një ushtar

Tre persona kanë ndërruar jetë në Greqi, duke e çuar në 25 numrin e viktimave nga COVID-19.

Mes viktimave të fundit është edhe një ushtar 46- vjeçar, i cili humbi jetën në spitalin e Aleksandrupolit në veri lindje të vendit, për të cilin thuhet se nuk vuante nga asnjë sëmundje tjetër.

Po ashtu, është infektuar edhe bashkëshortja e tij, e cila nuk ndodhet në kushte kritike për jetën.

Dy personat e tjerë që humbën jetën ishin të moshës 70 dhe 64 vjeç. Deri më tani, në Greqi janë infektuar me koronavirus 821 persona.