16 prej emigrantëve siriane që u ndaluan mbrëmjen e të premtes në grykëderdhjen e Vjosës janë dërguar në spitalin e Vlorës ndërsa 9 të tjerë u nisën drejt spitalit të traumës në Tiranë, mes tyre edhe nje fëmijë nën moshën 10-vjeçare.
Pjesa tjetër e tyre gjenden në ambjentet e policisë së Vlorës, e cila një ditë më parë njoftoi për kapjen 50 klandestinëve.
Sirianët ishin bllokuar në gomone ku po tentonin që të kalonin drejt Italisë. Pasi u bllokuan në grykëderdhje të Vjosës, u njoftua policia e cila bëri te mundur shpëtimi i tyre.
Në aksionin e shpëtimit morën pjesë një mjet lundrues i rojes bregdetare dhe dy mjete të guardia di finanzas italiane.
Ndërkohë janë ndaluar tre persona si organizatore te trafikut te klandestineve.
