Basha reagon nga SHBA për Fatmir Xhafajn: Shteti ka rënë, krimi kontrollon Parlamentin

Kryetari i Partisë Demokratike Lulzim Basha ka komentuar zhvillimet e sotme në Parlament, ku pati debate të ashpra mes Kryeministrit Edi Rama e Ben Blushit, si dhe për votimin e ministrit të ri të Brendshëm, Fatmir Xhafaj.

Seanca e sotme dëshmoi kontrollin që ka krimi mbi parlamentin dhe qeverisjen. Edhe kur, për pazare parash e pushteti, drejtuesit e koaliconit të Edi Ramës filluan të zihen e të shantazhojnë njëri-tjetrin, krimi i bëri bashkë dhe i vuri në rrjesht për të votuar pa naze përfaqësuesin e krimit në krye të Ministrisë së Brendëshme. Tani edhe marrëdhëniet e koalicionit qeverisës i kontrollon dhe i vendos krimi i organizuar.

 

Shteti ka rënë. Radhën tani e kanë zgjedhjet, procesi i fundit politik që synon të kontrollojë krimi i organizuar. Por kjo nuk do të ndodhë: populli i bashkuar është më i fortë se krimi dhe veglat e tij në politikë.