Votimi i kufirit me Malin e Zi, Veseli hesht për votat

Koalicioni qeverisës në Kosovë nuk i ka ende votat për miratimin e marrëveshjes më të rëndësishme të vendit, atë të kufirit me Malin e Zi. Ky pakt është kushti kryesor i Brukselit për liberalizimin e vizave.

Në një konferencë për mediat kryeparlamentari, Kadri Veseli nuk i është përgjigjur pyetjes nëse koalicioni qeverisës i ka siguruar apo jo votat për miratimin e këtij pakti.

Kreu i kuvendit vetëm rikonfirmoi nevojën për votimin e Demarkacionit, pasi një gjë e tillë është në interes të qytetarëve të Kosovës.