Kryeministri Edi Rama ka përkujtuar masakrën e Reçakut, e cila ka ndodhur 22 vjet më parë.
Përmes një postimi në rrjetin e tij social “Facebook”, kreu i qeverisë shkruan se kjo ditë është një dëshmi e paharrueshme e pafajësisë së Luftës Çlirimtare të Kosovës.
“LiriaKaEmër #Reçaku një dëshmi e paharrueshme e pafajësisë së Luftës Çlirimtare të Kosovës dhe një amanet i pashlyeshëm jo vetëm për Kosovën e lirë demokratike, po edhe për ndërgjegjen e botës së qytetëruar.”
Masakra e Reçakut ka ndodhur më 15 janar të vitit 1999. Në mars të këtij viti NATO-ja nisi sulmet ajrore kundër caqeve të ushtrisë serbe për t’i dhënë fund dhunës në Kosovë.
