20 viktima në orët e fundit, infektohen 847 persona të tjerë

Vijon të jetë i lartë numri i personave që humbin jetën si pasojë e koronavirusit brenda 24 orëve në vendin tonë.

Për këtë të enjte, nga Ministria e Shëndetësisë u raportua për 20 viktima, të moshave 63-85 vjeç. Nga ana tjetër, 3.268 testime të kryera zbuluan 847 të infektuar të tjerë.

Numri i të shëruarve brenda orëve të fundit është 777. Kurse në spitalet COVID situata duket e qëndrueshme, me 609 qytetarë që marrin trajtim mjekësor, 43 prej të cilëve në terapi intensive dhe 10 në intubim.