SHBA, nuk ndalen protestat

Per te treten nate radhazi, qyteti i Charlotte ne Karolinen e Veriut u perfshi nga protestat pas vrasjeve te fundit te dy afro-amerikaneve. Demonstruesit marshuan neper rruge, duke shpërfillur shtetrrethimin e vendosur nga autoritetet per te shmangur tensionet. Dy police raportohet te jene plagosur gjate perplasjes me protestuesit. Qindra roja kombëtare ishin vendosur ne rruge, ndersa demonstruesit kërkonin te shihnin videon e vrasjes se 43 vjecarit, e cila nuk eshte bere publike per ta, por u është treguar vetem familjareve te viktimes. Nderkaq, nje police e cila qelloi per vdekje nje afro-amerikan te paarmatosur ne automjetin e tij ne Tulsa te Oklahomes eshte akuzuar per vrasje. Pas kontrolleve ne trup dhe makine nuk u gjet arme. Përdorimi i forces kunder njerëzve me ngjyre, përveç protestave qe ka ndezur ne vend, eshte shndërruar ne nje çështje ne fushatën zgjedhore te kandidatit republikan per president, Trump. Duke folur per ngjarjet ne Karolinen e Veriut, ai tha se kaosi lidhet pjesërisht me përdorimin e drogës ne kete shtet, ndersa premtoi te luftoje krimin dhe te mbroje afro-amerikanet nese do te drejtoje Shtepine e Bardhe.