Në të dy spitalet COVID kanë nevojë për trajtim mjekësor 114 pacientë.
Midis tyre, 19 janë në gjendje më të rënduar shëndetësore dhe janë të shtruar tek kujdesi intensiv. Ndërsa katër prej tyre janë në gjendje kritike e janë futur në intubim.
Sipas Ministrisë së Shëndetësisë, në spitalin Infektiv dhe në Sanatorium po trajtohen edhe pacientë të dyshuar të prekur nga koronavirusi.
Nga ana tjetër, në 24 orët e fundit janë shëruar 64 qytetarë, duke e çuar totalin në 3.616.
