Një aksident me pasojë vdekjen e një personi është shënuar pasditen e kësaj të hëne në fshatin Shën e Premte të Divjakës.
E.C., 18 vjeç, duke drejtuar automjetin tip “Benz” ka aksidentuar 56-vjeçarin me iniciale A. G., i cili po udhëtonte me një motomjet, dhe për pasojë ka ndërruar jetë.
Drejtuesi i automjetit tip “Benz” pas aksidentit është larguar nga vendngjarja por shërbimet e Policisë bënë identifikimin dhe kapjen e tij.