Një vetëplagosje me armë zjarri ndodhi mëngjesin e kësaj të premteje ne Tirane. Ngjarja u regjistrua ne ambientet e një bari përballe parlamentit, ku Rubin Memit iu shkreh arma aksidentalisht dhe u plagos ne këmbe. Mësohet se i plagosuri ka qenë në lokal me një bashkëmoshatar. 17-vjeçari u dërgua në spital për të marrë ndihmën e nevojshme dhe sipas mjekeve është jashtë rrezikut për jetën. Pas ngjarjes 17-vjeçari njoftoi policinë, por shoku i tij mori armën dhe u largua. Ai është shpallur në kërkim dhe policia po punon për arrestimin e tij, ndërsa Memi akuzohet për armëmbajtje pa leje.