Deputetja demokrate Albana Vokshi deklaron se fondi i detyrueshëm shëndetësor është zhytur ne abuzime skandaloze. Duke zbardhur pjese te veçanta te raportit te KLSH-se, PD thekson se demi ekonomik vetëm ne zërin rregullim makinash, kap vlerën e 5 milionë lekeve.
Deklarata e plote e Albana Vokshit;
Fondi i detyrueshëm shëndetësor, mbikqyret drejtpërdrejt nga Ilir Beqa, i cili është kryetar i bordit.
Ky institucion me në krye Ilir Beqën, është zhytur në një abuzim të paimagjinueshëm dhe miliona janë vjedhur në çdo drejtim; në kancelari, bileta, udhëtime jashtë, riparime makinash, blerje karburanti, organizime aktivitetesh, madje edhe për aheng.
Inspektorët e KLSH kanë kapur një dëm ekonomik në vlerën 5 milionë lekë në zërin rregullim makinash.
Dëmi ekonomik me karburantin është 10 milionë lekë.
51 milionë lekë është dëmi nga dietat për udhëtime jashtë vendit, me fatura të parregullta dhe fotokopje.
25 milionë lekë është dëmi i konstatuar në blerje kancelarie.
5 milionë lekë janë shpenzuar për kokteje dhe darka me muzikë live, dhe lloj lloj ahengjesh.
