Vincent Muscat u shpall fajtor dhe u dënua me 15 vjet burg për vrasjen e gazetares malteze, Daphne Caruana Galizia. Ngjarje e ndodhur në vitin 2017 . Galizia u vra gjatë një sulmi me bombë të vendosur në makinën e saj, vrasje e cila terrorizoi vendin me një popullsi rreth 500 mijë banorë.
Muscat u arrestua së bashku me dy vëllezërit, George dhe Alfred Degiorgio, të cilët u akuzuan për vendosjen e bombës.
Edhe pse fillimisht ai nuk e pranojë krimin, Muscat dyshohet se tashmë po negocion me Prokurorinë e Përgjithshëm për reduktimin e dënimit të tij.
Përpara se të gjente vdekjen, gazetarja investigative ishte duke luftuar me dhjetëra padi të hapura kundra saj me akuzën e shpifjes.
