145 viktima sot në Itali, shërohen 2366 pacientë

145 persona kanë ndërruar jetë gjatë 24 orëve të fundit në Itali. Në total, kanë humbur jetën nga koronavirusi 31.908 persona.

Të prekur janë regjistruar 675, duke e çuar në total në 225.435 numrin e të prekurve.

Autoritetet vendase raportuan se këtë të diel janë shëruar 2366 persona. Për rrjedhojë, ka arritur në 125.176 numri i të rikuperuave.  

Sakaq, 762 persona ndodhen në kujdes intensiv, 13 më pak se të shtunën. Ndërkohë, 10311 pacientë janë shtruar në spital me simptoma, kurse 57278 persona janë në izolim në shtëpi.