Revista britanike “Hello!” i ka kushtuar një artikull të veçantë fejesës së Princit Leka me Blerta Celibashin, duke u ndalur në një nga detajet më të veçanta të këtij momenti të rëndësishëm unazën e fejesës.
Sipas artikullit, unaza që mban Blerta është e dizajnuar me shumë kujdes dhe konsideratë, duke pasqyruar një stil klasik e mbretëror. Ajo përmban një diamant oval të madh, të rrethuar nga gurë të vegjël, që e bëjnë akoma më të veçantë.
Eksperti britanik i gurëve të çmuar, Nilesh Rakholia, gjemolog me 15 vite përvojë e përshkroi unazën si “mbretërore” dhe “elegante”, duke theksuar se zgjedhja është bërë me kujdes të madh për t’iu përshtatur personalitetit të Blertës. Vlera e unazës, sipas tij, arrin në rreth 120 mijë paundë.
Gazetari Redjon Shtylla, në emisionin Mes’drite në Vizion Plus, komentoi mbi vlerën e unazës dhe simbolikën që ajo mbart. Ai u shpreh se në Shqipëri shpesh çdo diskutim mbi financat apo stilin e jetës së figurave publike merret si sulm, ndërkohë që në këtë rast, analiza është bërë nga një ekspert britanik i specializuar për familjet mbretërore.
Sipas tij, përtej vlerës materiale, unaza simbolizon qetësinë dhe stabilitetin emocional që Blerta i ka sjellë Princ Lekës, ashtu siç ai vetë ka pohuar më herët.
“Unaza është porositur posaçërisht për Blertën. Edhe prerja dhe forma janë menduar me shumë kujdes për t’iu përshtatur karakterit dhe stilit të saj,” shtoi Shtylla.
Gazetari bëri të ditur gjithashtu se i ka shkruar personalisht Blertës, por deri më tani nuk ka marrë përgjigje.
/vizionplus.tv
View this post on Instagram
