Një 14 vjeçar rezulton i zhdukur që prej ditës së djshme. Ai teksa ka qenë duke peshkuar në lumin Seman, dyshohet se është future për tu larë dhe e ka marrë rrjedha.
Në vendngjarje kanë shkuar edhe forcat RENEA, ku po punohet për gjetjen e trupit të 14 vjeçt.
Por për familjen e tij, duket se ky është një rast i përsëritur.
Sipas fqinjit, 14 vjeçari është fëmija I dytë që zhduket në të njëjtën mënyrë, ndërsa thekson se peshkimin e kanë passion të trashëguar nga babai i tyre.
“Ky është fëmija i dytë i asaj familjeje që mbytet. Përpara 12 vitesh është mbytyr edhe një fëmijë tjetër. Përpara një viti i ka vdekur i ati.
Janë një familje me shumë probleme ekonomike, edhe shtëpinë bashkia ja bëri sepse nuk janë në gjendje të mirë ekonomike. Është një dhimbje shumë e madhe për atë nënë.
Ata ishin nëntë fëmijë. Zakonisht ai rrinte zinte peshk. I kanë gjetur shapkat , rrobat i njëjti fat që ka pasur dhe fëmija tjetër. Fëmija i parë ka qënë i vogël, klasë e parë kur është mbytur. Më përpara peshkonte me babanë , që kur i vdiq i ati peshkonte vetëm”, shprehet fqinji.
