13 sirianë të fshehur në një furgon, arrestohet durrsaku

13 shtetas të huaj nga vendet e treat u ndaluan gjatë operacionit të koduar “Bradasheshi” në Elbasan.

Shtetasi A. D., 22 vjeç, banues në Durrës u kap nga forcat e rendit në flagrancë.

Arrestimi i tij u bë pasi në aksin rrugor Elbasan-Peqin, në fshatin Bradashesh, Elbasan, u kap nga shërbimet e Policisë duke transportuar me një mjet të marrë me qira, 13 shtetas sirianë, për të kaluar kufirin, me destinacion vendet e BE-së.

Në cilësinë e provës materiale u sekuestrua mjeti dhe dy aparate celular.