13 ditë pas asnjë rast me koronavirus, Korça e juglindja bien në qetësi

Juglindja hyn në ditën e 13 pa asnjë rast të ri pozitiv ndaj COVID -19. Në 24 orët e fundit, bëjnë me dije burime zyrtare, drejt Insititutit të Shëndetit Publik në Tiranë është ccuar vetëm një tampon përsëritës i cili ka rezultuar negativ. Nga 19 rastet e rregjistruara gjatë kësaj periudhe në juglindje, vetëm një rast vazhdon të jetë aktiv, teksa ndodhet në gjendje të stabilizuar në një prej spitaleve COVID në kryeqytet. Në kushte të tilla duket se janë shtuar lëvizjet edhe në qytetin e Korccës, pavarësisht se nuk është pjesë e zonës së gjelbër të vendit. Nisur nga mungesa e rasteve pozitive, banorët duket se kanë liruar disi masat paraprake të mbrojtjes, aq sa ccdo ditë sheh më shumë njerëz të cilët lëvizin lirshëm dhe pa maska e doreza. Pa thënë se në raste të ndryshme sheh edhe mos zbatimin e largësisë fizike me njëri-tjetrin, duke e rritur kështu rrezikun e përhapjes së virusit. Në vendet e vetme ku respektohen masat,m janë institucionet shëndetsore, si spitali, poliklinika dhe qendrat shëndetsore, në bankat e nivelit të dytë dhe tek institucionet shtetërore. Rregull ky që më shumë sesa për ndërgjegjësim të qytetarëve është një kërkesë e institucioneve që nuk ofrojnë shërbimin nëse nuk janë të pajisur me maska dhe nuk respektojnë distancën fizike.