Ambasada e Shteteve të Bashkuara të Amerikës kujtoi këtë të enjte 12-vjetorin e anëtarësimit të Shqipërisë në NATO.
Selia diplomatike ritktheu në vëmendje fjalët e presidentit amerikan, George Bush, gjatë vizitës së tij në Tiranë më 10 qershor të vitit 2007, teksa Shqipëria përgatitej të hynte në NATO.
Në mesazhin e urimit, ambasada shkruan se Shqipëria mund të mbështetet tek Shtetet e Bashkuara më shumë se kurrë dhe anasjelltas.
“Shqipëria është një mike e besuar dhe një aleate e fortë. Dhe shpresoj se vizita e sotme do të dërgojë tek populli shqiptar mesazhin se ju mund të mbështeteni tek Amerika, ashtu si Amerika mund të mbështetet tek ju, për të punuar fort për të përhapur lirinë dhe, si rrjedhojë, paqen,” – ish-Presidenti i Shteteve të Bashkuara George w. Bush gjatë vizitës së tij historike në Tiranë më 10 qershor 2007, teksa Shqipëria përgatitej të hynte në NATO. Sot, Shqipëria feston 12 vjet anëtarësim në NATO dhe Shqipëria mund të mbështetet tek Shtetet e Bashkuara, ashtu si Shtetet e Bashkuara mund të mbështeten tek Shqipëria më shumë se kurrë. Gëzuar përvjetorin e 12-të, Shqipëri!”
