12 viktima sot në Shqipëri, vdes një 29-vjeçar

Ministria e Shëndetësisë raportoi për 12 pacientë që kanë humbur jetën në 24 orët e fundit për shkak të koronavirusit.

Mes viktimave, është edhe një 29-vjeçar, ndërsa më i moshuari është një pacient 82 vjeç.

Numri total i viktimave ka shkuar kështu në 1.040. Ndërsa raste të reja këtë të mërkurë u shënuan 637, duke e çuar numrin e përgjithshëm të të infektuarve në 50.637.

Në 24 orët e fundit janë shëruar 505 qytetarë. Aktualisht në 4 spitalet COVID, po trajtohen 403 pacientë, 29 në terapi intensive nga të cilët 11 pacientë janë të intubuar.