11 të plagosur nga zjarri në autobus

Pas mbërritjes së të plagosurve në qendrën Spitalore Universitare “Nënën Tereza” në kryeqytet, konkretisht në repartin e Djegie-Plastikës, kanë qenë kryeministri Rama, ministri Beqaj, deputeti i LSI-së Petrit Vasili e deputetja demokrate Albana Vokshi. Beqaj theksoi se, gjendja e pacienteve është e rëndë, për shkak të moshës së thyer, por shtoi se bluzat e bardha janë krye të detyres, pavarësisht situatës së rëndë që u gjendën. Ndërkohë, drejtoresha e QSUT-së, Olgerta Manasterli, pohoi se, stafi i spitalit gjendet në një gjendje gatishmërie, pasi 8 paciente janë djegur pothuajse në 50% të sipërfaqes së trupit. Të pranishëm në repartin e djegies në Tiranë ishin edhe depute të Kuvendit të Shqipërisë, të cilët vunë theksin tek forcimi i kontrollit teknik të automjeteve, por edhe dërgimi jashtë vendit, nëse do të jetë e nevojshme për pacientet e djegura në autobus. Gjithashtu, pacientet e djegura i ka vizituar edhe Hirësia e tij Anastas Janollatos, pasi personat e djegur i përkisnin besimit Ortodoks dhe ishin nisur për një pelegrinazh 2-ditor nga qyteti i Vlorës, për të shkuar në Malin e Zi.