11 shtatori i vitit 2001 ishte dita qe ndryshoi boten. U sulmuan SHBA. Goditja per vendin me te fuqishëm te globit, edhe ne zemër te tij, erdhi nga 19 terroriste, qe morën peng katër avionë. Dy prej tyre u përplasen mbi kullat binjake ne Qendrën Botërore te Tregtisë ne New York, nje i trete ne ndërtesën e Pentagonit, ndërsa i katërti u rrezua ne fushat e Shanksvillit ne Pensilvani, pa mundur te godiste shënjestrën e tij, Uashingtonin. 3 mije njerëz te pafajshëm humben jetën. Brenda 1 ore e 42 minutash u shemben dy kullat simbol te Amerikës, ndërsa dëme te konsiderueshme pësuan edhe shume ndërtesa përreth. Përveç humbjes se jetëve, sulmet patën edhe nje kosto ekonomike, 3 trilionë dollarë. Ato ishin te mirekoordinuara. 15 prej terroristeve, radikale islamiste, ishin nga Arabia Saudite, dy nga Emiratet e Bashkuara Arabe, nje nga Egjipti dhe nje nga Libani. Dyshimet ranë mbi organizatën Al Kaeda dhe SHBA u përgjigjen me lancimin e nje fushate kundër terrorizmit, kryesisht ne Afganistan kundër talebaneve. Edhe pse fillimisht kryeterroristi Osama Bin Laden mohoi përfshirjen ne keto sulme, ne 2004 ai e mori pergjegjesine per to. Kjo tragjedi formesoi politiken amerikane per 15 vitet e fundit dhe beteja kryesore mbetet ajo me terrorizmin. Nëse simbol i terrorizmit dikur ishte Al Kaeda, tashme është ISIS. SHBA nuk janë lene jashtë shënjestrës se shtetit islamik, pasi xhihadistet kane kërcënuar se përveç Europes do te sulmojnë edhe Amerikën.

Leave a Reply

Your email address will not be published. Required fields are marked *