108 të infektuar me koronavirus në Kosovë

Dy raste të reja me koronavirus janë shënuar këtë të martë në Kosovë. Bëhet fjalë për një qytetar nga Gjakova, i cili ishte në kontakt me familjarët e tij të prekur më herët, ndërsa tjetri është nga Prizreni, i infektuar nga vendet me COVID-19.

Në total, numri i të infektuarve nga koronavirusi në Kosovë ka shkuar në 108. Deri më tani është regjistruar vetëm një rast vdekjeje.

Drejtori i Departamentit për Informim në Ministrinë e Shëndetësisë, Faik Hoti, tha se në Infektiv ndodhen të shtruar 40 pacientë, prej të cilëve 34 janë në gjendje të qëndrueshme dhe 6 të tjerë që “kanë nevojë për oksigjenoterapi dhe përkujdesje intensive”.