107 të vdekur nga koronavirusi në Itali/ Më shumë se 2.700 të infektuar

Ka shkuar në 107 numri i të vdekurve nga koronavirusi në Itali. Lajmin e ka bërë të ditur kreu i Mbrojtjes Civile në Itali, Angelo Borrelli. Sipas tij, janë 2.706 të infektuar nga virusi vdekjeprurës, nga të cilët 297 persona janë të gjendje më të rëndë.

Qeveria italiane konfirmoi mesditën e kësaj të mërkure vendimin për të mbyllur shkollat e të gjitha niveleve në mbarë vendin. Ky vendim është i vlefshëm edhe për të gjithë Universitetet.

Mbyllja do të jetë në fuqi tani për tani deri në mesin e muajit mars.