10 humbje jete nga COVID-19 në Serbi sot

Vdekjet ditore në Serbi nga koronavirusi vijojnë të mbeten në shifra të larta. Autoritetet shëndetësore raportuan këtë të premte për 10 pacientë që kanë humbur betejën me virusin COVID, duke e çuar kështu totalin në 452.

Nga ana tjetër, janë zbuluar edhe 392 të infektuar të tjerë, mes 9.910 të testuarve. Gjithsej, Serbia numëron 20.109 të prekur me koronavirus.

Ministri i Shëndetësisë në Serbi, Zllatibor Lonçar, njoftoi se 649 punonjës shëndetësorë janë pozitivë për COVID-19.