1.2 milion maska do të shpërndahen në të gjitha strukturat spitalore në rang vendi për shkak rritjes së numrit të kërkesave nga bluzat e bardha në këtë periudhë ku gripi paraqitet në intensitet të lartë dhe paniku nga koronavirusi është i pranishëm.
Nje gje te tillle e konfirmoi Ministrja Manastirliu ne mbledhjen e task-forcës për koronavirusin.
Ajo konfirmoi se në Shqiperi ende nuk ka një rast me virusin COVID-19 ndërsa 19 pacientet e dyshuar të cileve iu është bërë analizat ne laboratorin e virologjise kanë rezultuar negative.
Në rast konstatimi të një pacienti të prekur me koronavirus, në spitalin infektiv janë shtuar dhomat e izolimit dhe i gjithë personeli është në alert.
Ministrja deklaroi se strukturat e emergjencës civile janë të gjitha në gatishmëri për cdo situatë.
Instituti i Shëndetit Publik vijon trajnimin e mbi 800 bluzave të bardha si dhe furnizimin me reagentë, kjo për të përballuar cdo situatë emergjente që mund të shfaqet.
Taska forca konfirmoi nisjen e seancave informuese në institucionet arsimore për mësuesit dhe nxënësit në lidhje me koronavirusin dhe masat mbrojtëse sidomos në aspektin e higjenës.
