Sekretari rus i Këshillit të Sigurimit dhe ish-shefi i Shërbimit Federal të Sigurisë së Rusisë, Nikolai Patrushev deklaroi se Rusia do të përpiqet të marrë rrënojat e dronit amerikan që ra në Detin e Zi. Sipas tij, kjo do të jetë në funksion të studimit të dronit.
“Nuk e di nëse do të jemi në gjendje ta marrim apo jo, por duhet ta bëjmë. Dhe patjetër do ta shqyrtojmë”, tha Patrushev në TV shtetëror rus Rossiya 1.
Në të njëjtën kohë zyrtari i lartë rus shtoi se deklaratat e SHBA për të mos marrë pjesë në armiqësi në fakt konfirmojnë përfshirjen në luftë.
“Sa i përket dronit, amerikanët vazhdojnë të thonë se nuk po marrin pjesë në armiqësi. Ky është edhe një konfirmim se ata janë të përfshirë drejtpërdrejt në këto ngjarje, në luftë”, shtoi ai.
Patrushev tha se Rusia kundërshton veprime të tilla.
“Ne duhet të mbrojmë pavarësinë dhe sovranitetin tonë”, tha ai.
Avioni luftarak rus u përplas me një dron amerikan mbi Detin e Zi, duke detyruar SHBA-në të rrëzojë avionin.
Sipas autoriteteve droni ishte në një mision rutinë në hapësirën ajrore ndërkombëtare kur dy avionë rusë u përpoqën ta kapnin atë.
