Një 25 vjeçar nga Bangladeshi ka humbur jetën këtë të dielë në Durrës. Sipas njoftimit të policise, i riu ka ndërruar jetë nga asfiksia, pasi në një ambient magazinash ku gatuhej ushqim për punëtorët ka rënë zjarr.
Ndërkohë, që nga kjo ngjarje është transportuar për në spital për ndihmë mjekësore edhe një emigrant tjetër 30 vjeç nga Kenia.
Shërbimet e Policisë dhe zjarrfikëses shkuan menjëherë në vendngjarje dhe bënë të mundur fikjen e zjarrit, që dyshohet të jetë shkaktuar nga bombula e gazit që përdorej për gatim.
“Rreth orës 08:00, në një nga ambientet e magazinave të subjektit me administrator shtetasin S. M., në zonën e Fllakës, Sektor Rinia, ka rënë zjarr.
Si pasojë e zjarrit të rënë në ambientin ku gatuhej për punonjësit, (dyshohet nga bombula e gazit) ka ndërruar jetë, dyshohet nga asfiksia, shtetasi O. M., rreth 25 vjeç, nga Bangladeshi, ndërsa shtetasi tjetër, Ch. Ch., rreth 30 vjeç, nga Kenia, po merr ndihmë mjekësore në spital.
Shërbimet e Policisë dhe zjarrfikëses shkuan menjëherë në vendngjarje dhe bënë të mundur fikjen e zjarrit.
Grupi hetimor, nën drejtimin e Prokurorisë, po punon për sqarimin e rrethanave, shkakun e rënies së zjarrit dhe dokumentimin e plotë ligjor të ngjarjes”, njofton policia.
