Një zjarr në kufirin midis Shqipërisë dhe Greqisë, në piramidën e 17-të, në Bashkinë e Kolonjës ka rënë ditën e sotme.
Burime zyrtare, bëjnë me dije se zjarri është i përmasave të mëdha në një zonë me pyllëzim të përzjerë me bredha dhe lisa. Flakët po përhapen me shpejtësi, të favorizuara dhe nga era.
Vatrat më të mëdha të zjarrit, për momentin janë në anën tjetër të kufirit.
Ndërkohë që shumë forca zjarrëfikëse dhe të shërbimit pyjor të Bashkisë Kolonjë, ndodhen në terren, për të mos lejuar përhapjen e flakëve më tej në anën tonë të kufirit.
Nga ana greke, po punohet, me helikopter për shuarjen e vatrave të zjarrit.
