“Qytetaret holandeze refuzuan llojin e gabuar te populizimit”. Me këtë fjali kryeministri Mark Rutte festoi fitoren e siguruar ne zgjedhje nga forca e tij politike, qe e vendos atë përpara mandatit te trete ne krye te qeverise.
Kur janë numëruar thuajse te gjitha votat, partia e tij mundi forcën politike nacionaliste te Gert Vilders, duke marre 33 deputete ne parlamentin me 150 vende. Partia e Lirisë se Vilders doli ne vend te dyte, me 20 deputete, duke fituar përsëri terren me pese vende me shume ne parlament.
Kristian Demokratet dhe Partia Liberale D66 morën nga 19 deputete. Pjesëmarrja ishte ne masën 80.2 perqind, shifra me e larte ne 30 vitet e fundit, qe sipas analisteve u shërbeu partive pro-europiane dhe liberale.
Fitorja e z. Rute është pritur me entuziazëm nga udhëheqësit europiane, kjo edhe sepse zgjedhjet ne Holande cilësoheshin si nje barometër përpara presidencialeve ne France dhe votimeve ne Gjermani. Sipas presidentit francez Holande kjo ishte nje fitore e pastër përballe ekstremizmit. Kancelaria Merkel e përgëzoi gjithashtu kryeministrin Rute per fitoren, ndërsa rivali i saj ne gare ish-presidenti i parlamentit europian Martin Shulz u shpreh i çliruar qe ekstremistet humben. Megjithatë me kete rezultat, kryeministri Rutte ka nevoje per nje koalicion me te paktën tre parti te tjera per te siguruar shumicën qeverisëse.
