Kuvendi mblidhet në seancë plenare këtë të premte dhe çështja kryesore që do të diskutohet do të jetë ngritja e komisionit hetimor për shkarkimin e presidentit Ilir Meta.
“Vizion Plus” ka siguruar emrat e deputetëve që do të jenë anëtarë të këtij komisioni. Alket Hyseni do të qëndrojë në krye të komisionit, ndërsa nënkryetar pritet të jetë Myslim Murrizi.
Anëtarë pritet të zgjidhen Vasilika Hysi, Elena Xhina, Spartak Braho, Halil Jakimi, Nikolin Staka, Arlind Çarçani, ndërsa sekretare Klotilda Bushka. Anëtarë zëvendësues pritet të jenë Ermonela Felaj, Xhemal Qefalia dhe Eugen Bojaxhi.
