Ylli Dreshaj, një nga emrat më të komentuar të “Ferma VIP 2”, nuk ka ngurruar të japë mendimin e tij për raportet dhe sjelljen e disa prej fermerëve të formatit. Në një rrëfim të sinqertë, ai ka zbuluar mendimet personale për dyshen Andueli dhe Andrea, si dhe për Ganiun fermerin nga Kosova.
Duke folur për raportin mes Anduelit dhe Andreas, Ylli u shpreh se lidhja mes tyre ishte e pazakontë dhe shpeshherë kalonte kufijtë e një miqësie të zakonshme. Sipas tij, ata ishin si burrë e grua, duke ndarë mes tyre çdo reagim sikur të ishin një lojtar i vetëm.
“Janë dy trupa në një shpirt. Raporti i tyre është aq i ngushtë saqë edhe ofendimet dhe debatet që kanë pasur, kanë kaluar në nivel personal, familjar”, deklaroi ai.
Një tjetër emër që nuk i shpëtoi komenteve të Yllit ishte Ganiu, i cili qëndroi për një kohë të shkurtër në Fermë. Sipas tij, Ganiu nuk e kishte kuptuar seriozitetin e formatit dhe kishte ardhur aty si në kafeteri.
“Ai ka qenë pjesë e shumë formateve, por asnjëherë nuk ka rezistuar gjatë. Fermën e ngatërroi me ndonjë lokal. Ishte aty për të pirë kafe dhe cigare, jo për të punuar apo për të kontribuar. Sot publiku nuk e njeh si Gani Germija, por si Gani pijanec Germija”, u shpreh Ylli.
