Presidenti i Kinës Xi Jinping paraqiti një vizion gjithëpërfshirës për vendin në kongresin e 19-të të Partisë Komuniste që u mbajt sot në Pekin.
Ai foli për më shumë se 3 orë në praninë e rreth 3 mijë delegatëve.
Presidenti lavdëroi përparimin që Kina kishte bërë nën drejtimin e tij, por tha se duhej edhe më shumë punë, pasi vendi po shkon drejt një epoke të re.
Por Xi e bëri të qartë se rruga e ardhshme e Kinës nuk do të simulonte Perëndimin, duke thënë se ai nuk do të “kopjonte mekanikisht sistemet politike të vendeve të tjera”.
“Askush nuk duhet të presë që Kina të gëlltisë çdo gjë që dëmton interesat e saj. Qëndrimi ndërkombëtar i Kinës është rritur si kurrë më parë. Nuk ka asnjë tolerancë në luftën kundër korrupsionit. Ne kemi ndërmarrë veprime të forta për të marrë tigrat, për të kapur mizat dhe për të gjuajtur dhelprat. Kina nuk do të ndjekë kurrë zhvillimin në kurriz të interesave të të tjerëve, por as nuk heq dorë kurrë nga të drejtat dhe interesat e saj legjitime”.
Xi detajoi arritjet ekonomike të Kinës në pesë vitet e fundit, duke përfshirë përmirësimin e standardit të jetesës, edukimin, rendin dhe sigurinë kombëtare.
Kongresi shihet si një referendum për suksesin e Xi-së në pozicionimin e tij si udhëheqës suprem në politikën kineze.
Siguria në Pekin dhe pjesa tjetër e vendit, ka qenë jashtëzakonisht e lartë kur kongresi filloi.
Censura tashmë e rreptë në internet është forcuar, me fshirjen e gjerë të të ashtuquajturës “përmbajtje e ndjeshme” në mediat sociale.
