Pas pesë vitesh, Policia e Korçës ka arrestuar bashkëpunëtorin për vrasjen e Marsel Osmanit, ngjarje e ndodhur në 2016 në një lokal me muzikë tallava, në afërsi të fshatit Dishnicë. Osmani, asokohe 23 vjeç, gjeti vdekjen, pas një konflikti me sende të forta.
Në pranga përfundoi 33-vjeçari me iniciale A. M., banues në Korçë, i cili rezulton të ketë qenë bashkëpuntor i dy autorëve në vrasje, duke e çuar kështu në tre numrin e të arrestuarve për këtë ngjarje.
Osmani u godit për vdekje me sende të forta nga pronari i lokalit, Olsi Zyberi dhe truproja e tij, Llazar Dine.
