Fshati i njohur dhe me potenciale të mëdha natyrore, njerëzore dhe historike I Vithkuqit do investohet për një infrastrukturë sa më të përshatshme në zhvillimin turistik. Projekti më madhor është parashikuar të zbatohet vitin e ardhëshëm me ndërtimin e ujësjellsit të ri që pritet ti sigurojë Vithkuqit furnizimin pa ndërprerje me ujë të pishëm.
Projektin e këtij investimi e deklaroi kryetari I bashkisë Korçë Sotiraq Filo, gjatë turit të takimeve për Buxhetimin me pjesmarrje, ndalesa e të cilit ka qënë ditën e shtunë në Vithkuq. ‘Kërkesa për ujësjellsin e ri nga banorët është shorehur prej një apo dy vitesh më parë. Nuk u realizua dot nga bashkëpunimi me investitorin e gazsjellësit TAP dhe tashmë do të kryhet me financim të Ujësjellsit Korçë’ bëri me dije kryebashkiaku Filo. Ai shtoi se vlera e këtij investimi shkon deri në 21 milion lekë të reja dhe se mendohet që vitin e ardhshëm fshati Vithkuq të ketë ujë pa ndërprerje në 24 orë.
Sipas kryebashkiakut Sotiraq Filo, investimet në Vithkuq nuk do mbeten te ujësjellsi I ri. Ai premtoi ndërhyrje në rrjetin e kanalizimeve, Infrastrukturën rrugore, sheshin e fshatit, monumentet e kulturës dhe gjithshka që mund të jetë përfitim për zonën e dobi për komunitetin. Filo tha se Vithkuqi do të njohë po ato investime si Voskopoja duke lënë të kuptohet se këto dy fshatra mbeten prioritet në zhvillimin turistik të juglindjes.
