Xhihadistët, pritet vendimi

Gjykata e Krimeve te Renda, duket se i ka dhënë fund shqyrtimit gjyqësor, per te akuzuarit per rekrutimin e xhihadisteve. Te pandehurit kane paraqitur pretendimet e tyre edhe gjate ditës se sotme. I pari që kërkoi fjalën ne Gjykatën e Krimeve te Renda, ishte Astrit Tola. Ai hodhi poshtë akuzat, duke thëne se Prokuroria, nuk solli asnjë provë që lidh apo vërteton se ai ka dërguar njerëz për të luftuar në Siri. Tola tha se nuk njihet me të akuzuarit e tjerë dhe se i ka takuar vetëm në xhami. Sipas tij, prokuroria i ka montuar të gjitha provat. Verdi Morava ishte një tjetër nga të akuzuarit që ka vijuar me mbrojtjen. Edhe ai ka hedhur poshtë pretendimet se ka dërguar Mustafa Kuçin në Turqi. Ai sqaroi se e ka njohur në Xhaminë e Mëzezit dhe se ka qenë Muastafai ai që i ka kërkuar që ta shoqërojë për në aeroport, pasi do nisej në Stamboll për mjekim. Morava është shprehur se nuk ka asnjë provë që e implikon në nxitjen e personave drejt luftës ne Siri. Gjykata e Krimeve te Renda pritet te shpalle vendimin përfundimtar. Ndërkohe, Prokuroria ka kërkuar gjithsej 152 vite burg për 9 te pandehurit.