Momente paniku u përjetuan pasditen e kësaj të enjteje në Piazza Attias, në zemër të Livornos, ku disa të rinj sulmuan me grushta, shkelma, gurë e shkopinj policët.
Këta të fundit po kryenin kontrolle për maskat dhe për të shmangur grumbullimet. Por hasën në një grup të madh të rinjsh të pabindur që nuk nguruan të sulmonin uniformat.
Policët kishin shkuar në zonë pas një njoftimi se aty po luhej futboll, me muzikë të lartë. Deri tani, të paktën dy të rinj janë shoqëruar në komisariat.
