Ndërhyrja e një oficeri të NYPD rezultoi shpëtimtare për një foshnjë që po mbytej në Nju Jork.
Në një video të regjistruar nga një dëshmitar okular shihet oficeri Michael Greany duke i dhënë goditje të kontrolluara në shpinë fëmijës së vogël, i cili arriti më pas të marrë frymë normalisht.
Ngjarja ndodhi mëngjesin e së mërkurës, teksa Greany po shkonte drejt punës. Papritur ai vuri re një makinë të zezë që lëvizte me shpejtësi në korsinë e emergjencës. Oficeri aktivizoi dritat e patrullës së tij dhe u afrua pranë automjetit, ku gjeti një baba të tmerruar që i tha: “Fëmija im po mbytet”.
HERO: NYPD detective saves the life of a choking baby on his way to work in rush hour traffic pic.twitter.com/pCWUl9BdxD
— Daily Loud (@DailyLoud) December 11, 2025
Falë ndërhyrjes së menjëhershme të oficerit, foshnja u stabilizua. Pak çaste më vonë, një mjek që ndodhej rastësisht në zonë kontrolloi fëmijën dhe konstatoi se ai ishte në gjendje të mirë shëndetësore.
Oficeri Greany shërben prej 17 vitesh në Policinë e Nju Jorkut, ku është rekrutuar në korrik të vitit 2008.
“Kjo ndërhyrje e shpejtë nuk shpëtoi vetëm një jetë — na kujtoi të gjithëve se çfarë do të thotë heroizëm në rrugët e këtij qyteti”, deklaroi kryetari i Unionit të Punonjësve të Policisë së Nju Jorkut.
/vizionplus.tv
