Kryeministri i Shqipërisë, Edi Rama, është takuar sërish me YouTuber-in e njohur ndërkombëtarisht, Speed, gjatë qëndrimit të tyre në Mynih të Gjermanisë, ku po zhvillohet turneu “Ultimate Champions Legends”.
Gjatë takimit, Speed iu drejtua Ramës me fjalët: “Kohë e gjatë pa u parë, vëllai im shqiptar”, duke treguar një lidhje të ngrohtë mes tyre. Rama, nga ana tjetër, e prezantoi YouTuber-in me presidentin e Federatës Shqiptare të Futbollit, Armand Duka.
“U bë kohë që nuk jemi takuar. Më ke munguar,” tha më tej Speed, duke zbuluar edhe një plan për rikthim: “Më mungon Shqipëria. Do të vij këtë verë.”
Në përfundim të bisedës, Rama u shpreh shkurt, por qartë: “Është miku im.”
Ky është takimi i dytë publik mes Ramës dhe Speed, pas atij që ndodhi në qershor të vitit të kaluar në Tiranë, ku YouTuber-i vizitoi zyrën e Kryeministrit gjatë qëndrimit të tij në Shqipëri.
/vizionplus.tv
