Avokati i popullit Igli Totozani, nën monitorimin e ekspertëve të ONM-së, ka shpallur këtë të premte numrin e kandidatëve që kanë plotësuar kriteret për të qenë pjesë e komisioneve të vetingut.
“Pas përfundimit të këtij procesi rezulton se numri i kandidatëve që kanë plotësuar kriteret formale ka shkuar në 84. Ndërsa 109 kandidatë aplikantë nuk i kanë përmbushur kriteret formale.”
Totozani sqaroi se kandidatet te cilët kane dorëzuar ne kohe dosjet, por ato janë vonuar nga posta, do te jene pjese e shqyrtimit.
‘Nëse në institucion, gjatë këtyre ditëve, do të mbërrijnë zarfe me dokumenta kandidatësh, që mbajnë vulën e postës me datën e dorëzimit brenda 27 Marsit, (që është edhe afati ligjor i pranimit të tyre), këto dokumenta do të konsiderohen të vlefshme, si dhe do t’i nënshtrohen procesit të vlerësimit nga ana jonë, së bashku me ekspertët e ONM-së.”
Me mbylljen e këtij procesi hidhet një hap i rëndësishëm në krijimin e institucioneve të vetingut, ndonëse zbatimi i tij është bllokuar në parlament, për shkak të bojkotit të opozitës. Por megjithë vonesat, Totozani nuk e fsheh optimizmin:
“Suksese Vetingut!
Suksese reformës në Drejtësi!”
