Kompjuterët në gjithë botën janë goditur nga sulmi masiv kibernetik. Sipas te dhenave dukej se Ukraina ishte objektivi kryesor i këtij sulmi që filloi dje, por qe ka prekur edhe vendet e tjera dhe kompanitë ndërkombëtare në gjithë botën.
Ritmi i sulmit duket se është ngadalësuar sot, pjesërisht edhe për shkak se ky virus duket se kërkonte kontakt direkt ndërmjet rrjeteve kompjuterike, faktor ky që ka mundur ta kufizoj përhapjen e tij në rajonet me më pak lidhje me Ukrainën, – raporton REL.
Megjithatë, bizneset në rajonin Azi-Paqësor sot kanë raportuar për disa çrregullime, ndërsa janë goditur operacionet e disa kompanie evropiane.
Sulmi i ri kibernetik e ka përdorë të njejtin mjet depërtimi sikur me rastin e sulmit të ngjashëm muajin e kaluar.
Softuerët keqbërës e bllokojnë kompjuterin e përdoruesit, derisa të paguhet një çmim në monedhën digjitale, Bitcoin.
