Ukrainasit zgjedhin këtë të dielë qeverinë e re, pasi presidenti Volodimir Zelenski shpërndau parlamentin dhe shpalli mbajtjen e zgjedhjeve të parakohshme parlamentare.
Partia në Shërbim të Popullit e presidentit, pritet të dale mirë në zgjedhje. Megjithatë edhe pse ka përkrahjen e shumicës së ukrainasve, që e konsiderojnë parlamentin si një institucion të korruptuar, Zelenski mund të mos e sigurojë dot shumicën absolute.
Sipas sistemit zgjedhor në Parlamentin prej 450 vendesh, 225 deputetë do të hyjnë nga lista e kadidatëve të partive, ndërsa pjesa tjetër nga lista e zonave zgjedhore.
Mediat në ukrainë shkruajnë se përbërja e parlamentit të ri mund të duket shumë e ndryshme nga parlamenti i mëparshëm dhe pjesa më e madhe e deputetëve do të jenë emra të rinj.
Sipas sondazheve, Partia e Zelenskit pritet të marrë 49.5% të votave, Platforma Pro-Ruse e Opozitës për Jetë 10.5%, partia Solidariteti Evropian i ish-presidentit Petro Poroshenko 7.7%, Partia “Atdheu” e ish-kryeministres Yuliya Timoshenko pritet të kalojnë pragun zgjedhor prej 5 për qind.
Zelenski shpalli zgjedhjet e parakohshme menjëherë pas fitores së zgjedhjeve presidenciale në maj. Pas marrjes së detyrës ai nënshkroi dekretin me të cilin shpërndau Parlamentin dhe organizimin zgjedhjeve të parakohshme parlamentare më 21 korrik.