Zv.kryeministri Arben Ahmetaj ndodhet sot në Komisionin Hetimor ku po dëshmon lidhur me aferën e inceneratorëve.

 

Ahmetaj deklaroi se nuk ka pasur asnjë kontakt me Klodian Zoton ndërsa theksoi se nuk ka asnjë lloj raporti me 3 personat e shpallur në kërkim për inceneratorët, Stela Gugallja, Klodian Zoto, Mirel Mërtiri.

 

Zv.kryeministri tha se këto pyetje nuk janë objekti kryesor i këtij hetimi, duke i kërkuar kryetares së Komisionit të mos dalë nga objektivi.

 

Jorida Tabaku: A njihni Mirel Mërtirin, Klodian Zoton, Stela Gugallaj?

Arben Ahmetaj: Nuk kam as lidhje gjakut, as lidhje varësie pune, as lidhje biznesit, asnjëlloj varësie. Ju përgjigja edhe pse pyetja është jashtë objektit të Komisionit, se është shumë specifik.

Jorida Tabaku: Keni udhëtuar me ndonjë nga këto emrat?

Arben Ahmetaj: Kam bërë udhëtime pa fund me miq e shok, po kjo nuk është objekt i këtij Komisioni. Objekti është procedurat dhe në këtë vend, duhet të pyetem se kë nuk njoh se njoh 95% të biznesit shqiptar. Doni të shuani kuriozitetin e jetës sime private?

Leave a Reply

Your email address will not be published. Required fields are marked *