Presidenti i Shteteve të Bashkuara Donald Trump, e ka vënë në dyshim gatishmërinë e tij për ta mbështetur Aleancën Ushtarake Perëndimore, nëse ata nuk paguajnë mjaftueshëm.
Trump: Është e logjikshme apo jo? Nëse ata nuk paguajnë, unë nuk do t’i mbroj. Jo, nuk do t’i mbroj ata.
Kreu i Shtëpisë së Bardhë nënvizoi se ai e kishte ndarë qëndrim te njëjtë me aleatët e NATO-s edhe gjatë mandatit të tij të parë si president, kur i kishte nxitur shumicën e vendeve t’i rrisnin shpenzimet ushtarake.
Trump pretendoi po ashtu se aleanca veriatlantike nuk do t’i ndihmonte Shtetet e Bashkuara të Amerikës në rast nevoje.
Trump: E dini cili është problemi më i madh që kam me NATO-n? Unë, sinqerisht, i njoh shumë mirë këta djem. Janë miqtë e mi. Por, nëse Shtetet e Bashkuara do të ishin në telashe dhe do t’iu telefononim atyre dhe do të thoshim, ‘kemi një problem, Francë. Kemi një problem, disa të tjerë nuk do t’i përmend’. A mendoni se ata do të vijnë të na mbrojnë? Do të duhej. Nuk jam aq i sigurt.
Komentet e Trump për NATO-n janë në vazhdën kritikave të tij prej vitesh ndaj aleancës, ndërsa vijnë në një kohë shqetësimi të shtuar në botën perëndimore.
Kjo pasi marrëdhëniet mes kreut të Shtëpisë së Bardhë me presidentin rus Vladimir Putinit shihen si kërcënim./vizionplus.tv
