Gjatë Samitit në Bruksel, presidenti i Shteteve të Bashkuara, Donald Trump, u bëri thirrje aleatëve të NATO-s që të ndajnë 4% të bruto prodhimit vendor në shpenzimet ushtarake.
Kjo do të thotë dyfishi i cakut aktual.
Shtëpia e Bardhë konfirmoi se Trump po ashtu kritikoi fuqishëm Gjermaninë për shpenzimet, siç tha ai, të pamjaftueshme në mbrojtje dhe “varësinë e saj energjetike nga Rusia”.
Ndërkohë sekretari i përgjithshëm i NATO-s, Jens Stoltenberg, ka thënë se fokusi kryesor i të gjitha vendeve anëtare duhet të jetë arritja e cakut aktual: 2% e bruto prodhimit vendor.
