Një ngjarje e rëndë ka ndodhur këtë të mërkurë në qytetin e Nantes, në Francën perëndimore, ku një sulm me thikë brenda një shkolle të mesme ka përfunduar me një viktimë dhe tre të plagosur.
Sipas autoriteteve franceze, viktima është një nxënës i shkollës, ndërsa autori i dyshuar është një tjetër nxënës, 15 vjeç, i cili u neutralizua nga mësuesit përpara mbërritjes së policisë. Deri më tani, nuk ka të dhëna që sugjerojnë një motiv terrorist pas këtij sulmi, ndërsa hetimet janë në zhvillim për të zbardhur arsyet që çuan në aktin tragjik.
Identitetet e viktimës dhe të plagosurve nuk janë bërë ende publike. Ngjarja ka shkaktuar një tronditje të thellë në opinionin publik dhe ka rikthyer debatin për sigurinë në shkolla.
/vizionplus.tv
