Një bombë artizanale u zbulua në një stacion të metrosë së Shën Petërburgut, pak pas shpërthimit që shkaktoi sot 10 të vdekur dhe dhjetëra të plagosur në një stacion tjetër, theksoi Komiteti Kombëtar Antiterrorist (NAK).
“Në stacionin e metrosë ‘Ploshçad Vastanjija’, një bombë artizanale u zbulua dhe u çaktivizua në kohë”, deklaroi në një komunikatë komiteti, i cituar nga agjencitë ruse të lajmeve duke shtuar se shërbimet speciale ndodhen në vendngjarje.
Rreth 10 persona u vranë dhe shumë të tjerë u plagosën (41) sot pas një shpërthimi të ndodhur në një vagon të metrosë së Shën Petërburgut, ndërkohë autoritetet ruse nuk hodhën poshtë pistën terroriste.
