TikTok tha se do të rivendosë shërbimin e tij për përdoruesit amerikanë pas njoftimit të urdhrit ekzekutiv nga Donald Trump.
Në një deklaratë, TikTok tha se platforma e videove do të rikthehet pasi presidenti i sapozgjedhur Donald Trump dha garancitë e nevojshme për ofruesit e shërbimeve të kompanisë.
“Në marrëveshje me ofruesit tanë të shërbimeve, TikTok është në procesin e rikthimit të shërbimit,” tha platforma në një postim në X.
STATEMENT FROM TIKTOK:
In agreement with our service providers, TikTok is in the process of restoring service. We thank President Trump for providing the necessary clarity and assurance to our service providers that they will face no penalties providing TikTok to over 170…
— TikTok Policy (@TikTokPolicy) January 19, 2025
“Ne falënderojmë Presidentin Trump që siguroi ofruesit tanë të shërbimeve se ata nuk do të përballen me sanksione, duke ofruar TikTok për mbi 170 milionë amerikanë dhe duke bërë të mundur që mbi 7 milionë biznese të vogla të përparojnë”, vazhdoi ai.
“Ky është një qëndrim i fortë në favor të Amendamentit të Parë dhe kundër censurës arbitrare. Ne do të punojmë me Presidentin Trump për një zgjidhje afatgjatë që do ta mbajë TikTok në Shtetet e Bashkuara”, shtoi kompania.
Më herët, presidenti amerikan njoftoi se do të lëshojë një urdhër ekzekutiv për të shtyrë ndalimin e TikTok.
“Unë po u kërkoj kompanive që të mos lejojnë që TikTok të mbyllet! Unë do të lëshoj një urdhër ekzekutiv të hënën, në mënyrë që të mund të bëjmë një marrëveshje për të mbrojtur sigurinë tonë kombëtare”, shkroi Trump në Truth Social.
Trump ka thënë se do të dëshironte që SHBA të zotëronte 50% të TikTok për të mbrojtur platformën.
“Pa miratimin e SHBA, nuk ka TikTok,” shkroi ai./vizionplus.tv
