Presidenti i Kosovës, Hashim Thaçi pas takimit me presidentin e Serbisë, Aleksander Vuçiç u shpreh se ishte takim i shkurtër dhe shumë i rëndësishem, ndersa ka bërë thirrje që Serbia të lirohet nga barra historike se Kosova është pjesë e Serbisë.
“Ka qenë takim, jo i lehtë, ka qenë më i rëndi që kemi zhvilluar në këto gjashtë vjetët e fundit, prandaj do të punojmë maksimalisht që të arrijmë marrëveshjen përfundimtare.Unë ende shoh dritë në fund të tunelit pasi Serbia ende jeton me mentalitetin e së kaluarës, mashtrohen dhe gabohen rëndë. Ka qenë takim i rëndësishem me Vuçic, por duhet të punojmë që të arrijmë marrëveshjen që do të jetë fituese për Kosovën dhe Serbinë. Do të shikojmë në të ardhmen se si do të lëvizin gjërat. Duhet të arrihet një marrëveshje për dy vendet, marrëveshje që hap perspektivë euroatlantike për Kosovën dhe Serbinë. Një marrëveshje që lehtëson të ardhmen e dy vendeve. Që sjell mirëkuptim dhe pajtim. Nuk pres që procesi të lehtësohet, pres vështirësi edhe më të mëdha dhe pengesa, pres proces më të veshtire drejt finalizimit të dialogut dhe negociatave Kosovë-Serbi”.
Thaçi ka thënë se dialogut do të jetë i vështirë për shkak se ende në Serbi mendojnë se Kosova është ende pjesë e saj, por sipas tij, palës serbe po mungon guximi për të liruar popullin nga barra historike për Kosovën.
