Kryetarin e Bashkise se Tepelenes,Termet Peci në një video në rrjetin social Facebook shihet duke kënduar dhe duke nderuar me grusht Enver Hoxhën.
Ndërkohë reagimi i parë për veprimet e tij vjen nga deputeti I Partisë Demokrati Tritan Shehu, i cili i kërkon kryeministrit Edi Rama, ta shkarkojë menjëherë.
Përmes një postimi në profilin e tij në Facebook Shehu, kërkon shefit të qeverisë të marrë masa ndaj kryebashkiakut të Tepelenës dhe kërkon nga prokuroria të veprojë ndaj tij për shkelje të ligjit.
“I kerkoj Kryeministrit, si deputeti Qarkut, te shkarkoje menjehere Kryetarin e Bashkise se Tepelenes,Termet Peci. Gjithashtu Prokuroria duhet te veproje ndaj tij per shkelje te ligjit. I bej thirje opinionit publik, mediave, shoqatave te ish te perndjekurve politike te reagojne me force ndaj ketij skandali e turpi te vertete!
Termeti i “bemave te medha”, mbreme ne darken zyrtare te shtruar nga Bashkia e Tepelenes me rastin e 75 vjetorit te clirimit te saj, i thurr lavde e kendon per diktatorin Hoxha, gje qe me tej e publikon. Nje sfide e vertete kjo ndaj ligjit, demokracise, nje ofendim ky per proceset tona demokratike, nje arrogance e pa kufi ndaj ish te persekutuarve, ndaj gjithe ketij populli, qe e pagoi shume shtrenjte ate diktature te eger. Nje perbaltje kjo edhe e te gjithe atyre, qe rane apo luftuan fashizmin e nazizmin, per nje Shqiperi te lire, demokratike, te begate, pavaresisht nga menyra se si ata e perceptonoin kete ne vitet e asaj lufte epokale.
Ishte ai diktator e ajo diktature, qe tradhtoi e shkeli edhe mbi gjakun e sakrificat e tyre, qofte edhe te popullit atdhetar e liridashes te Tepelenes, qe njohu gjate saj vecse vuajtjet, persekutimet, varferine. Cdo te ndodhte ne Gjermani apo Itali sikur nje Kryetar Bashkie t’i thurte lavde ne nje ceremoni zyrtare Hitlerit apo Musolinit!?
A mund te me pergjigjeni per kete ju Z.Kryeminister?”
